«Өрлеу» біліктілікті арттыру ұлттық  орталығында қыркүйек айының 25-інен қазан айының 6 - сы аралығында   «Ақпараттық білім беруді қалыптастырудағы  мектеп кітапханасының рөлі» тақырыбында мектеп  кітапханшыларына арналған біліктілікті арттыру  курсы өтті.

   Курс барысында біз тыңдаушылар білікті оқытушылардың  дәрісін  тыңдап, тәжірибе алмасып қана қоймай, халықаралық көлемде өткізілген форумның куәсі болдық.  «Интеграциялық үдерістің өмір бойы оқу мәдениетінің  қалыптасуындағы орны мен рөлі» тақырыбындағы  V Халықаралық  форум өте жоғары дәрежеде өтті.

    Форумда тек қазақстандық  білім беру ісінің мамандары ғана емес, Данияның жоғары ұлттық мектептерінде дәріс беретін  құрметті профессор, Санкт-Петербург қаласы жазушылар Одағынының мүшесі,  осы қаладағы Дания  мәдениет институтының   директоры  Финн  Андерсен өз еліндегі білім беру жүйесінің ерекшеліктері жайлы айтты және іс-тәжірибелерімен бөлісті.

    Санкт  Петербургтегі   «Еуропа  үйі»    президенті,  «Ресейдегі білім беру  апталығы» Юнеско науқанының   ұлттық кординаторы, экономика ғылымының  докторы,  Санкт-Петербург гуманитарлық білім беру институты  экономика басқару  факультетінің профессоры Литвинова Нина Петровна  ересектерге  арналған білім беру практикалық тәжірибесімен бөлісті, сондай –ақ пікір алмасты.

    Курста тестілеу, өзіндік жұмыс, жобаны қорғау  жаңартылған білім беру мазмұны бойынша жүргізілді.

    Кітапхана саласында басты назар аударатын  бағыттардың бірі-ақпараттардың  электронды  ортада  анықтамалық

библиографиялық  қызмет көрсету виртуальді анықтамаларды  ұсыну.

  Себебі, ақпараттық ресурстардың  қол  жетімділігі,  өзектілігі кітапхана жұмысының  сапасына ықпал етеді.